--------------------------------------------------------------------------------
من عز نومي صحيت وشفت فـي عينـي
ـــــــــــــــــــــــــــــــــ دمع تهـادى علـى جفنـي وأنـا غافـي
ستـرت دمعـي بكمـي قبـل يغريـنـي
ــــــــــــــــــــــــــــــــ وأخذت هذا الجسـد مـن باقـي لحافـي
وسريـت تايـه ورا خطـوات رجلينـي
ــــــــــــــــــــــــــــــــ لا الوجه وجهي ولا أوصافي هي أوصافي
أمشـي وأقـول لطريـقـي لا توديـنـي
ــــــــــــــــــــــــــــــــ لعيون نـاس تبـي تـدري عـن الخافـي
أمانتـك.. خلهـا مـا بيـنـك وبيـنـي
ـــــــــــــــــــــــــــــــ خابرك يالـدرب خـوة عمـر وسنافـي
مـا ودي النـاس تـدري وش يبكيـنـي
ـــــــــــــــــــــــــــــــ كرامـة النفـس ورث أبـوي وأسلافـي
أمشي وأحـس الخناجـر فـي شرايينـي
ـــــــــــــــــــــــــــــــ والبرد يمشـي وراي وينهـش اطرافـي
وحـيـد واللـيـل بـردونـه يغطيـنـي
ـــــــــــــــــــــــــــــــ تقـول كـن البلـد روح بهـا السـافـي
إلين مـا أوحيـت لـي صـوت ينادينـي
ــــــــــــــــــــــــــــــ صوت أعرفه مثل ما أجهل وش خلافـي
قمـت أتلـفـت وانــادي لا تخليـنـي
ــــــــــــــــــــــــــــــ ما غيره.. الصوت هـذا صوتـه الدافـي
ولمحت زوله من أقصى الـدرب لافينـي
ــــــــــــــــــــــــــــــ مدري وش اقول لكن حـي هـا اللافـي
تعال.. شف غيبتـك كيـف أثـرت فينـي
ـــــــــــــــــــــــــــــ تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
ـــــــــــــــــــــــــــــ تعبت أعدي علـى جمـرك وأنـا حافـي
تعال واقطـف بصوتـك زهـرة سنينـي
ـــــــــــــــــــــــــــــ كـل المواعيـد عقبـك شمعهـا طـافـي
تعـال وازرع خصـل شعـرك بكفينـي
ــــــــــــــــــــــــــــ بضمهـا ليـن أحـس بليلـك الظـافـي
تعـال وشفيـك خايـف؟ أنـت ناسينـي؟
ـــــــــــــــــــــــــــ قطعت صوتـي عليـك وطـال ميقافـي
حتى بديـت أشعـر أن الحـب معمينـي
ــــــــــــــــــــــــــ وان أنت حلم عثـى فينـي وأنـا غافـي
لكـن أمانـة تـرى اللـي فـي كافينـي
ـــــــــــــــــــــــــ إن رحت منك كـذا مـا رحـت متعافـي
بصـدق الحلـم وأحـذر لا تصحيـنـي
ــــــــــــــــــــــــ فـي خاطـري كلمتيـن إن قلتهـا كافـي
أمانـة الله عليـك إن غبـت عـن عينـي
ـــــــــــــــــــــــــ لا يكون قلبك مثل قلـب الزمـن جافـي
مـع كـل دمعـة تذكـر رعشـة يدينـي
للشاعر فهد المساعد
منقوووووووووول
موضوع: فيــــــــــــــــــ خاطري كلمتين 
الأحد أكتوبر 21, 2007 9:13 pm