السلام عليكم ورحمه الله وبركاااته
من ارووع قصاااائدد حااامد زيدد
إنتبهت لدمعها بالهدب والكحل سال ،،، لين جفت عينها دمع والقاع أرتوا
وأبتدت لحظة جفا وانتهت لحظة وصال ،،، وأنطفا نور السعاده وأحسب انه ضوا
ما أكتفيت من الهوا والغرام أربع ليال ،،، وقفت ايام التلاقي وجاء وقت النوا
كنت ابسلا و أبتسم وألتفت عنها شمال ،،، ما قويت الصد عنها ولا قلبي قوا
ما هقيت أن الهوا عذب قلوب الرجال ،،، لين ضاع العقل مني وتفكيري سوا
رحت أدور دفوة الشمس ضيعت الضلال ،،، جيت اطفي شعلة النار و القلب انكوا
ماهقيت إن السعاده خيالـ(ن) في خيال ،،، تروي قلوب الحبايب وقلبي ما روا
كنت ابشتال الهوا والهوا ثقل الجبال ،،، و إن تحملت الجبل ما تحملت الهوا
كنت أبسلا بالهوا والهوا صعب المنال ،،، ما رضالي حضي اللي طوالي و إنطوى
قلت لأفراحي تعالي ولا قالت تعال ،،، و الخفوق إن قلت أبقبل على صدي نوا
الله اكبر لا أشرقت شمس يتلاها زوال ،،، كيف ابفرح في صباحـ(ن) مع الليل استوا
لا حصل بالحب قسمه ولا جالي مجال ،،، غير اشوف معاند الجرح وعناد الدوا
شبت النيران وقفت وجاء رد السؤال ،،، ما تشب النار ياكود يوصلها هوا
منقول
وش رايكمــــ
موضوع: رد السؤال.-.-.-.-.-حـــــــــــــــــامد زيد 
الجمعة أغسطس 10, 2007 6:37 pm